অৱলোকন

শিশু উন্নয়নৰ দিশত অৱহেলা প্ৰদৰ্শন কৰা সমাজত কেতিয়াও ন্যায়িক সমতা অথবা ব্যাপক সামাজিক আৰু অৰ্থনৈতিক উন্নয়ন সম্ভৱ নহয় যিহেতু শিশু সকলেই হৈছে দেশৰ ভৱিষ্যত। অসম চৰকাৰৰ সমাজ কল্যাণ বিভাগে নিৰন্তৰ আৰু সামগ্ৰীক ভাৱে শিশুৰ জীৱন ধাৰণ, সুৰক্ষা, উন্নয়ন, সৱলীকৰণ আৰু অংশগ্ৰহণৰ দিশত গুৰুত্ব আৰোপ কৰি আহিছে। শিশু সুৰক্ষা আৰু পুনৰসংস্থাপন সেৱাৰ অংশ স্বৰূপে, বিভাগে অসমত চি.চি.আই. আৰু শিশু গৃহ হিচাপে, পৰ্য্যবেক্ষণ গৃহ, বিশেষ গৃহ ইত্যাদিৰ এক কাৰ্য্যতন্ত্ৰৰ বিকাশ ঘটাইছে। চি.চি.আই.ত আশ্ৰয় লাভ কৰা সকলৰ সামগ্ৰীক বিকাশৰ বাবে বিভাগে কাম কৰি আহিছে যাতে এই সমূহত আশ্ৰিত সকলে সমাজৰ মুখ্য ধাৰালৈ উভতি আহিব পাৰে।

ডি.চি.পি.ইউ. কি?

জিলা শিশু সুৰক্ষা একক হৈছে জিলা খনত সংযুক্ত শিশু সুৰক্ষা আইন আঁচনি(আই.চি.পি.এছ.) ৰূপায়ন কৰা আৰু জিলা খনত অব্যাহত থকা সকলো শিশু সুৰক্ষামূলক কাৰ্য্যক্ৰমৰ সৈতে সমন্বয় স্থাপন কৰাৰ বাবে দায়বদ্ধ প্ৰাথমিক একক। ই হৈছে জিলা এখনৰ বাবে শিশু সুৰক্ষা একক, যি অসম চৰকাৰে ১০৬নং ধাৰাৰ অধীনত গঠন কৰিছিল, আৰু ই হৈছে জিলাখনত কিশোৰ ন্যায়(শিশুৰ যত্ন আৰু সুৰক্ষা) আইন, ২০১৫ আৰু অন্য শিশু সুৰক্ষা সম্পৰ্কীয় ব্যৱস্থা সমূহ ৰূপায়ন কৰাটো সুনিশ্চত কৰে।

অসমত জিলা অনুসৰি ডি.চি.পি.ও. যোগাযোগৰ তালিকা